Новости

24 сентября 2021 г. | Новости, Мероприятия › Новости, Мероприятия › Новости

«Арылы кустук» сэргэх сэһэнин түһүлгэтигэр ыҥырабыт

Саха ϴрөспүүбүлүкэтин үөрэҕин уонна наукатын министиэристибэтэ балаҕан ыйын 24 күнүгэр «Арылы кустук» оҕо саадын тэрилтэлэрин ситимин уопутун билиһиннэрэр «Сэттэтигэр диэри саастаах оҕону сиэрдээх майгыга уһуйар үгэстэр» диэн семинарга ыҥырар.

Тэрээһин Россияҕа иитээччи уонна оскуола иннинээҕи үөрэхтээһин үлэһиттэрин күнүн көрсө ZOOM былаһааккатыгар ыытыллар. Саҕаланар сарсыарда 11.00 чаастан.

Семинар киирии чааһыгар Ильина Т.М., СӨ үөрэҕириитин үтүөлээх үлэһитэ, «Эркээйи эргиирэ» бырагыраама айар бөлөҕүн салайааччыта оҕо сайдар эйгэтин тэрийэргэ айымньылаах үлэҕэ киллэрии сэһэнин,  онтон Чехордуна Е.П., СӨ үтүөлээх учуутала, педагогика билимин хандьыдаата «Арылы кустук» үөрэх ситимин ис номоҕун, олоҥхо педагогикатын «СЭДИП» технологиятын туһунан истиҥ кэпсээннэрин болҕойуохпут.

Салгыы «Арылы кустук» ситим кыттыылаахтара – оҕо саадын иитээччилэрэ уонна салайааччылара үтүө үгэстэри көрүҥнэрин арааран сиһилии сэһэргиэхтэрэ, бэйэлэрин тэрилтэлэрин үлэтигэр олоҕуран сайдар эйгэни тэрийэр ньымаларын билиһиннэриэхтэрэ. Түмүккэ истээччилэр санаа атастаһан, ыйытыыларга харда ылан, үлэлэригэр саҥа сүүрээни, сонун ньымалары киллэрэллэригэр толкуй үөскэтиэхтэрэ.

 

ϴрөспүүбүлүкэтээҕи

«Юные якутяне» ресурснай киин

пресс-сулууспата, төл. 319-320