Үөрүүлээх, түмсүүлээх тэрээһин “Зарница-17”

Үөрүүлээх, түмсүүлээх тэрээһин “Зарница-17”
Үөрүүлээх, түмсүүлээх тэрээһин “Зарница-17”
Үөрүүлээх, түмсүүлээх тэрээһин “Зарница-17”
Үөрүүлээх, түмсүүлээх тэрээһин “Зарница-17”
Үөрүүлээх, түмсүүлээх тэрээһин “Зарница-17”
Үөрүүлээх, түмсүүлээх тэрээһин “Зарница-17”
Үөрүүлээх, түмсүүлээх тэрээһин “Зарница-17”
Үөрүүлээх, түмсүүлээх тэрээһин “Зарница-17”
Үөрүүлээх, түмсүүлээх тэрээһин “Зарница-17”
05.06.2017

Барабан, горн тыаһынан доҕуһуоллатан кытыастар кыһыл хаалтыстаах пионерия сыллара кэрэ да кэмнэр этилэр. Ол саҕана пионерскай сбордар, линейкалар, кутаа тула ырыа-оонньуу, Зарница күрэҕэ элбэх оҕону хабан үрдүк таһымнаахтык, өрө көтөҕүллүүлээхтик бараллара. Онтон ыла олохтонон хаалбыт Зарница оонньуута быйыл “Сатабыл” Тааттатааҕы оҕо айымньытын дьиэтэ тэрийиитинэн хаһыс да төгүлүн ыытылынна. Быйылгы Зарница оонньуу Бүтүн союзтааҕы пионерскай организация төрүттэммитэ 95 сылыгар, Саха өрөспүүбүлүкэтигэр оҕо тэрилтэлэрэ тэриллибитэ 25 сыллаах үбүлүөйдэригэр ананан ыытылынна. Барыта 10 оскуолаттан 101 оҕо кэлэн күрэхтэһэн, доҕордоһон, үөрэн – көтөн Хадаайы көй салгынынан сайа тыынан бардылар. Зарница оонньууну иилээн – саҕалаан ыытааччы“Сатабыл” оҕо айымньытын дьиэтин коллектива пионерскай хаалтыстаах, пилоткалаах, барабаннаах речевкалаах саҕалаата.Өр сылларга Уус Таатта орто оскуолатыгар старшай пионер баһаатайынан үлэлээбит, педагогическай үлэ ветерана  Колодезникова Клара Петровна  пионерия сылларын ахтан, эҕэрдэлээн үөрүүбүтүн өссө үксэттэ.

“Мин киһи буолан сайдарбар пионерскай сылларым төһүү күүс буолбуттара: хамаанданан сыал – сорук туруорунан араас тэрээһиннэри ыытарга, чиэһинэй, ханнык баҕарар үлэҕэ бэриниилээх буоларга үөрэппитэ»,- диэн санаатын үллэһиннэ Чөркөөхтөөҕү П.А.Ойуунускай аатынан государственнай музей директора Н.Е.Попов.

Хамаандалар 14 көрүҥҥэ күрэхтэһэн ким ханныкка кыахтааҕынан кыайан-хотон, наҕараадаланан илии тутуурдаах, өттүк харалаах айаннаатылар. Бу улахан тэрээһини ыытарга биһигини кытта бииргэ үлэлэһэр тэрилтэлэрбит улахан көмөнү оҥордулар. Ол курдук “Тааттыныскай нэһилиэк” муниципальнай тэриллии ( глава Павлов Е.И.),улуустааҕы үөрэҕирии салалтата (сал. Миронова А.Н.), Таатта улууһун полиция отдела (сал. Тарбахов Р.М.), улуустааҕы айылҕа харыстабылын инспекцията (сал. Николаев Г.К.), Таатта уонна Чурапчы улууһун байыаннай комиссариата (сал. Андреев Н.М.), улуустааҕы киин балыыһа (сал.Кононова С.В.), РЭС (сал.Сейдалов И.И.), Таатта хаһыат редакцията (сал.Посельская А.К.), ГАУ Лесресурс (сал. Данилов А.Д.), улуустааҕы ыччат уонна семейнай политика отдела (сал. Егоров К.Л.). Бу тэрилтэлэр бары оҕолорго анаан күрэхтэри тэрийдилэр уонна сыаналаах бириистэри туттардылар. Саамай улахан көмөнү Тааттатааҕы баһаары утары үлэлиир сулууспа (сал.Дорофеев Д.Д.), ИП Бочоруков К.К. хас Зарница оонньуута ыытылыннаҕын аайы оҥороллор.Тааттатааҕы баһаары утары үлэлиир сулууспа массыынаҕа соһо сылдьар полевой кухняларынан оҕолорго анаан астарын астаан, минньигэс миининэн, торуойунан, компотунан аһатаннар оҕолорбут тот сылдьан күрэхтэстилэр. Ону таһынан кинилэр сылын ахсын сүрдээх кэрэхсэбиллээх, быыһааччы сулууспатын профессиятын сүрүн өйдөбүлүн оҕолорго биэрэр күрэҕи тэрийэн, кыайыылаахтары наҕараадалыыллар.

Тыҥааһыннаах күрэх түмүгүнэн:

-                     Палатканан түспүт миэстэни киэргэтиигэ- Лицей хамаандата бастаата, 2–с миэстэни Уолба орто оскуолатын хамаандата, 3–с миэстэни Туора – Күөл орто оскуолата ыллылар. Улуустааҕы ыччат уонна дьиэ кэргэн политикатын отделын туруорбут бирииһин туттулар.

-                     Хамаандалар бэйэни билиһиннэриилэрин күрэҕэр бары да бэлэмнэнэн кэлбиттэр, 1-кы миэстэни Лицей хамаандата, 2-с миэстэни Игидэй орто оскуолатын хамаандата, 3–с миэстэни Уолба орто оскуолата ыллылыр уонн улуустааҕы үөрэх салалтатын бирииһин туттулар.

-                     Ырыалаах строевой хаамыы күрэҕэр 1-кы миэстэни Лицей хамаандата. 2-с миэстэни Ытык Күөл 1нүөмэрдээх орто оскуолата, 3-с миэстэни Игидэй орто оскуолата ыллылар уонна Таатта уонна Чурапчы улууһун байыаннай комиссариатын бирииһин туттулар.

-                     Автоматы ыһыыга, хомуйууга 1-кы миэстэни Игидэй орто оскуолата, 2-с миэстэни Лицей хамаандата, 3-с миэстэни Чычымах хамаандата ыллылар уонна Таатта уонна Чурапчы улууһун байыаннай комиссариатын бирииһин туттулар.

-                     Хамаанда барыта кыттар саамай тыҥааһыннаах комбинированнай  эстафетаҕа 1-кы миэстэни Лицей хамаандата, 2-с миэстэни Ытык Күөл 2 нүөмэрдээх орто оскуолата, 3-с миэстэни Чычымах орто оскуолата ыллылар уонна Сатабыл оҕо айымньытын бирииһин туттулар.

-                     Экологияҕа аналлаах күрэххэ 1-кы миэстэни Ытык Күөл 2 нүөмэрдээх орто оскуолата, 2-с миэстэни Уолба орто оскуолатын хамаандата, 3-с миэстэни Ытык Күөл 1нүөмэрдээх орто оскуолата ыллылар уонна улуустааҕы айылҕа харыстабылын инспекцията туруорбут бирииһинэн наҕараадаланнылар.

-                     ГАУ Лесресурс ыыппыт күрэҕэр 1-кы миэстэни Лицей хамаандата, 2-с миэстэни Чычымах хамаандата, 3-с миэстэни Уус-Таатта орто оскуолата ыллылар уонна ГАУ Лесресурс бирииһин туттулар.

-                     Саанан сыал ытыытыгар 1-кы миэстэни Гимназия хамаандата, 2-с миэстэни Туора-Күөл орто оскуолатын хамаандата, 3-с миэстэни Уус-Таатта орто оскуолатын хамаандата ыллылар уонна улуустааҕы полиция отделын туруорбут бирииһин туттулар.

-                     Суол быраабылаларынан сирдэтэн велосипедынан мэһэйдэри ааһыыга 1-кы миэстэни Уус-Таатта орто оскуолатын хамаандата, 2-с миэстэни Гимназия хамаандата, 3-с миэстэни Чөркөөх орто оскуолатын хамаандата ыллылар уонна улуустааҕы полиция отделын туруорбут бирииһин туттулар.

-                     Пожарниктар күрэхтэригэр 1-кы миэстэни Лицей хамаандата, 2-с миэстэни Игидэй орто оскуолатын хамаандата, 3-с миэстэни Чычымах орто оскуолатын хамаандата ыллылар уонна улуустааҕы Баһаарынай сулууспа бирииһин туттулар.

-                     РЭС ыыппыт күрэҕэр 1-кы миэстэни Лицей хамаандата, 2-с миэстэни Гимназия, 3 миэстэни Уус-Таатта орто оскуолата ыллылар уонна РЭС бирииһин туттулар.

-                     Улуустааҕы киин балыыһа ыыппыт күрэҕэр 1-миэстэни Уус-Таатта орто оскуолата, 2 миэстэни Лицей хамаандата, 3 миэстэни Чычымах орто оскуолата ыллылар уонна оҕо айымньытын дьиэтэ “Сатабыл” бирииһин туттулар.

-                     Дьиэтээҕи сорудах: экология сылыгар аналлаах плакат оҥоһуута. Улуустааҕы айылҕа харыстабылын инспекциятын быһаарыытынан 1 миэстэни Уус-Таатта орто оскуолатын хамаандата, 2 миэстэни Чычымах орто оскуолатын хамаандата, 3 миэстэни Игидэй орто оскуолатын хамаандата ыллылар уонна улуустааҕы айылҕа харыстабылын инспекциятынбирииһин туттулар.

-                     Күннээҕи күрэх хаамыытын бойобуой листок оҥорон хамаандалар күрэхтэстилэр. Ол түмүгүнэн 1 миэстэни Лицей хамаандата, 2 миэстэни Уус- Таатта орто оскуолатын хамаандата, 3 миэстэни Чөркөөх орто оскуолатын хамаандата ыллылар уонна “Таатта” хаһыат редакциятын бирииһин туттулар.

Уопсай күрэх түмүгүнэн 39 очколаах Лицей хамаандата эрэллээхтик бастаата, 2-с миэстэни 56  очколаах Уус Таатта орто оскуолата ылла, 3-с миэстэни 61 очколаах Чычымах орто оскуолатын хамаандата тахсан үөрдүлэр. Бары мэтээлинэн, хамаанда кубогынан, грамотанан наҕараадаланнылар.

      Оҕолорго өйөбүл буолар,бу тэрээһини куруутун тэҥҥэ тэрийсэр тэрилтэлэрбит салайааччыларыгар, үлэһиттэригэр “Сатабыл” Оҕо айымньытын дьиэтин коллективын аатыттан истиҥ махталбытын тиэрдэбит. Бу курдук бука бары Оҕо туһугар бииргэ түмсэн, биир сүбэнэн үлэлии-сайда туруоҕуҥ.

Айылҕабыт барахсан оҕолорбутун күнүнэн да сылытан, тыалыран да, ардаҕынан да угуттаан ылла. Ону ол диэбэккэ кэлбит хамаандалар бары бииргэ күрэхтэһэн, оонньоон, доҕордоһон, күннээҕи сыалбытын ситиһэн, дуоһуйан, “эһиил эмиэ көрсүөхпүт” диэн тарҕастыбыт.

Алексеева М.Д., “Сатабыл” Оҕо айымньытын дьиэтин педагог-организатора


Описание для анонса: 
Количество показов: 61
Кем создан (имя): (yekaterina) Екатерина Яковлева

ВКонтакт Facebook Google Plus Одноклассники Twitter Livejournal Liveinternet Mail.Ru

Возврат к списку





Анонсы событий
Новости Ученического портала
Случайный вывод работ
Фоторабота № 07 Фоторабота № 07
Название:  Мы будущие защитники
Автор:  Петрова Анна
Рейтинг:  3.56
Фоторабота № 01 Фоторабота № 01
Название:  Юные разведчики
Автор:  Сошка Дмитрий
Рейтинг:  2.94
Фоторабота № 13 Фоторабота № 13
Название:  Крепкая броня Российской военной техники
Автор:  Маркова Ангелина
Рейтинг:  3.72
Фоторабота № 19 Фоторабота № 19
Название:  Знамя победы
Автор:  Миргород Евгений
Рейтинг:  3.62
Фоторабота № 06 Фоторабота № 06
Название:  Дни воинской Славы
Автор:  Попов Мичил
Рейтинг:  3.4

Яндекс.Метрика